Afati i fundit i transferimeve ra si një nga bizneset më ekonomike që Barcelona kishte bërë ndonjëherë. Klubi nënshkroi me transferime të lira me lojtarë si Memphis Depay, Kun Aguero dhe Eric Garcia, por ishte një repart që “Blaugranët” nuk arritën të forcojnë.

Megjithëse Barça udhëhoqi garën për nënshkrimin e Georginio Wijnaldum, një ofertë e minutës së fundit nga PSG shkaktoi një ndryshim në mendjen e mesfushorit.

Një nga emrat e lidhur me klubin në afatin kalimtar ishte edhe Renato Sanches. Mesfushori portugez ishte në qendër të vëmendjes në Lille në Ligue 1, ku fitoi vendin e titullarit.

Lojtari i ri jo vetëm që mundi të sillte shumë pasime progresive në skuadër, por ishte i shkëlqyer edhe në aspektin mbrojtës. Thënë kjo, katalanasit ishin të interesuar për nënshkrimin e tij derisa megjithatë ai u lëndua dhe iu nënshtrua një operacioni.

Mefushushori foli për këtë në fillim të kësaj jave. “Nëse nuk do të ishte për dëmtimin tim, do të kisha nënshkruar me Barçën këtë verë”, tha Sanches, duke treguar se sa të avancuara ishin negociatat mes dy skuadrave.

24-vjeçari ishte gjithashtu i lidhur me një lëvizje te Liverpool, por ‘Reds’ gjithashtu u larguan nga gara për të pikërisht për shkak të lëndimit.

Reprezentuesi portugez tani është në formë dhe dëshiron të largohet nga Lille këtë verë.

Ai ka një asistim në emrin e tij deri më tani këtë sezon, ndërsa mesatarisht ka tre driblime dhe gjashtë duele të fituara për 90 minuta./Arbresh.info